अहिलेका


जितिया पर्वको अवसरमा प्रधानमन्त्रीद्वारा शुभकामना सन्देश

जनकपुरधाम, १३ असोज ।
प्रधानमन्त्री शेरबहादुर देउवाले तराई क्षेत्रमा मनाइने जितिया पर्वको अवसरमा शुभकामना सन्देश जारी गरेका छन् । प्रधामन्त्री देउवाले नेपालको एक विशिष्ट पहिचान जनाउने पर्वको रुपमा स्थापित रहेको बताएको छन् ।
जितिया पर्वको अवसरमा शुभकामना सन्देश जारी गर्दै संस्कृति र संस्कारमा नेपालको विशिष्ट पहिचानका विशेषता रहेको उनले बताए ।

विविधताभित्र एकता र सामाजिक सद्भाव नेपाली सांस्कृतिक अभ्यासका उदाहरणीय रहेको बताउँदै प्रधानमन्त्री देउवाले यही सद्भाव र एकतालाई प्रवद्र्धन गर्ने पर्वमध्येको एक जितिया पर्व पनि भएको उल्लेख गरे ।

यस पर्वले समस्त आमा र सन्ततिबीच माया, प्रेम, समर्पण र वात्सल्यलाई प्रगाढ बनाउने उनको भनाई छ ।

विविध संस्कार, संस्कृति रीतिरिवाज एवं मूल्यमान्यताले जितियालगायत पर्वको विशिष्ट महत्वलाई आत्मसात् गर्दै नेपाल सरकार यस्ता पर्वको संरक्षण र सम्वर्द्धनमा प्रतिबद्ध रहेको उनले बताए ।

जितिया पर्व मनाउने सबैलाई एकताबद्ध भई हर्षोल्लास पूर्वक मनाउन प्रधानमन्त्री देउवाले आग्रह छ ।

यस पर्वले आमा र सन्ततिबीचको पारस्परिक सद्भाव, मातृत्वपूर्ण सम्बन्ध र सहिष्णुताको भावनालाई अझ प्रगाढ र सुदृढ बनाउन प्रेरणा प्रदान गरोस् भनी प्रधानमन्त्री देउवाले शुभकामना दिए ।


Leave a Reply

Sorry !! कृपया नयाँ सिर्जना गर्नुहोला !!