जनकपुरधाम, २६ कात्तिक ।
जनकपुरधामस्थित एक निजी विद्यालयमा अज्ञात समूहले आगजनी गरेका छन् ।
जनकपुरधाम उपमहानगरपालिका वडा नम्बर १ पुलचोक स्थित शिव शारदा सेकेण्ड्री इंगलिश बोर्डिङ्ग स्कूलमा अज्ञात समूहले आगजनी गरेका हुन् ।
शुक्रबार स्कुलको कार्यालयको ताल्चा फोडर सम्पूर्ण सामग्रीलाई एउटा सोफामा राखी आगजनी भएको अवस्थामा स्कुल सञ्चालक सुजित मिश्रले जानकारी दिए ।
स्कुलको कार्यालयको ताल्चा फोडेर कसैले आगजनी गराएको हुन सक्ने सञ्चालक मिश्रको आशंका छ । उनले आफूहरु घरमा नरहेको अवस्थामा अज्ञात समूहले विद्यालयमा आगजनी गरेको बताए ।
आगलागीबाट करिब १० लाख रुपैयाँको भौतिक क्षति भएको जनाइएको छ । आगलागीबाट विद्यालयको तीनवटा दराज, दुई थान सोफा, विद्यालयका महत्वपूर्ण कागजपत्र, टेलिभिजन, दुई थान प्रिन्टर, प्रअ बस्ने कुर्सी, टेबल जलेको प्रहरीले जनाएको छ ।
विद्यालय प्रवेश गर्ने मुख्य गेट, अफिस छिर्ने गेट, अफिसको बाहिरबाट ताला लागेर बन्द रहेको अवस्थामा ताला फोडेर आगलागी गरिएको बताइएको छ । प्रधानाध्यापकको कोठामा भएको आगलागीबाट स्थापनाकालदेखिको स्कुलको सबै रेकर्ड जलेर खरानी भएको छ ।
विद्यालयका सञ्चालक मिश्रले शैक्षिक संस्थामा आगजनी गरेर लाखौं रुपैयाको क्षति पु¥याउने दोषी पत्ता लगाएर कडा कारबाहीको माग गर्दै प्रहरीमा उजुरी दिएको बताए ।
